Hörður Ægisson dælir út falsfréttum á vísir.is

Hér leiðréttum við ósannindi

Hörður Ægisson dælir út falsfréttum á vísir.is

Skoðað í 1308 skipti

Ritstjóri markaðarins á vísir.is, Hörður Ægisson.

Það er ótrúlegt að fylgjast með hvernig ristjóri markaðarins á Vísi, Hörður Ægisson, dælir út pistlum sem ekki er hægt að flokka undir neitt annað en falsfréttir og örgustu lygar.
Fjölmiðlamaður sem hagar sér með þeim hætti sem Hörður gerir ætti að svifta starfinu hið snarast enda orðið öllum ljóst að hann stundar ekki fréttamennsku sem byggir á staðreyndum og tölulegum upplýsingum.

Hér má sjá hvernig SA setur dæmið upp til að hreinlega ljúga að fólki.

Þær kröfur sem Starfsgreinasambandið hefur sett fram í kjaraviðræðum sínum við Samtök atvinnulífsins (SA) fela í sér að laun meginþorra félagsmanna í aðildarfélögum sambandsins hækki á bilinu tæplega 70 prósent til 85 prósent á næstu þremur árum, samkvæmt útreikningum sem byggjast á kröfugerð sambandsins.

Samkvæmt heimildum Fréttablaðsins hefur Efling haldið þessum kröfum sambandsins til streitu í viðræðum sínum við SA.

Þannig er gert ráð fyrir því í kröfugerðinni að regluleg heildarmánaðarlaun hópbifreiðarstjóra innan Eflingar fari úr að meðaltali 493 þúsund krónum, eins og þau voru í fyrra, í 913 þúsund krónur árið 2021 og hækki þannig um 85 prósent. Er þá miðað við óbreyttan fjölda greiddra yfirvinnutíma.

Launahækkun almenns iðnverkafólks innan félaga Starfsgreinasambandsins mun jafnframt nema tæpum 70 prósentum til ársins 2021, svo annað dæmi sé tekið, ef fallist verður á kröfur sambandsins.

Sólveig Anna Jónsdóttir á varla til orð yfir lágkúruna, lygarnar og fölsunina.

Öfgaskoðanir þær sem Hörður Ægisson aðhyllist þegar kemur að efnahagsmálum eru ekki lengur bundnar við leiðara eða skrif í Markaðinn. Nú er forsíða Fréttablaðsins undirlögð af þessari yfirgengilegu vitleysu. Það er ekki annað hægt en að hrista hausinn. Einhver örvænting hefur gripið um sig í hópi þeirra sem aðhyllast ofræði íslensku auðstéttarinnar. Þessi örvænting hefur drifið málflutning þeirra langt útfyrir öll siðferðismörk. Lágmarkskröfur um leiðréttingu launa eru kallaðar sturlun á meðan við eigum að trúa því að launahækkanir bankastjóra séu náttúrulögmál. Það er greinilegt að það fjarar stöðugt undan trúverðugleika þeirra, og þau finna það. Þau voru búin að telja sjálfum sér trú um að verka- og láglaunafólk á Íslandi væri búið að sætta sig við hlutskipti sitt, og þau einfaldlega sturlast þegar við segjum nei. Það er náttúrulega ótrúleg kaldhæðni fólgin í því að þegar það gerist, þá saka þau okkur um sturlun.

Kröfur Eflingar og Starfsgreinasambandsins snúast um flata krónutöluhækkun ofan á greidd grunnlaun, meðal annars lágmarkslaunatrygginguna sem nú er 300 þúsund krónur á mánuði. Með þessu yrði meðalhækkun launa yfir línuna í atvinnulífinu mun minni að meðaltali en hækkun lægstu launa og prósentuhækkun launa fallandi þegar sama krónutala kemur ofan á hærri laun.

Í Fréttablaðinu er fullyrt að kröfurnar sem Starfsgreinasambandið hafi sett fram í kjaraviðræðum sínum við Samtök atvinnulífsins feli í sér að laun meginþorra félagsmanna í aðildarfélögum sambandsins „hækki á bilinu tæplega 70 prósent til 85 prósent á næstu þremur árum“ samkvæmt útreikningum blaðsins. Segir Fréttablaðið að gert sé ráð fyrir því í kröfugerð sambandsins að regluleg heildarmánaðarlaun hópbifreiðarstjóra innan Eflingar fari úr að meðaltali 493 þúsund krónum, eins og þau voru í fyrra, í 913 þúsund krónur árið 2021 og hækki þannig um 85 prósent. Er þá miðað við óbreyttan fjölda greiddra yfirvinnutíma.

Raunveruleg launatafla sem sýnir hvaða hækkunn er verið að tala um.

Efling gagnrýnir þennan fréttaflutning Harðar Ægissonar harðlega og vísar í staðreyndir um kröfur sem Efling hefur sett fram fyrir hækkun lægstu launa í þeim samningum sem nú standa yfir.

Allur þorri Eflingarfólks er á 300 þúsund króna lágmarkslaunatryggingunni (þeir sem eru á lægri taxta fá launin brúuð upp í 300.000). Sá hópur fær hlutfallslega mesta hækkun, eða 13,9% á ári og þrisvar sinnum það á þremur árum. Vegna þess að launahækkanir við flata krónutöluhækkun eru fallandi í prósentum þá verður hækkun meðallauna 6,5% og hækkun heildarlauna að öðru óbreyttu 5,4% á ári – og þrisvar sinnum það á þremur árum,“ segir í tilkynningu stéttarfélagsins. „Það er því vægast sagt villandi að tala eins og meðalhækkun launa yfir línuna yrði í tugum prósenta á þriggja ára tímabili þegar hún verður 16,2% til 19,4%. Það er ansi langt undir 82% hækkun launa bankastjóra Landsbankans.

Eins og sjá neðst í töflunni er nýjasta verðbólguspá Hagstofunnar fyrir 2019 3,8% og svigrúm til launahækkana samkvæmt formúlunni verðbólga + framleiðniaukning um 5,3% eða nálægt meðalhækkun heildarlauna (5,4%) að öðru óbreyttu. Svigrúmið til launahækkana er þannig nýtt hlutfallslega meira í þágu lægri launa – þó allir fái sömu krónutöluhækkun.

Hvað heldur Hörður að hann, vísir, SA og auðvaldsklíkan græði á því að drita út lygaáróðri sem stenst enga skoðun þegar upp er staðið?
Halda þessir aðilar að fólk trúi þessum falsfréttum þeirra?

Nei það verður að stoppa svona einstaklinga af og benda þeim á að þetta er ekki fréttamennska heldur argasta lágkúra og þeir sem titla sig fréttamenn og setja svona skrif út í kosmóið til að blekkja og ljúga að fólki eiga sæta ábyrgð gerða, skrifa sinna.

Því miður er blaðamannafélag íslands algjörlega steindautt og því mun ekki vera nein ástæða til að klaga í það félag.

Skoðað í 1308 skipti

Umsagnir eru á ábyrgð þess sem þær skrifa

comments